Ángel González Rodríguez "El Maragatu"(1889-1955), naz en Nubleo, el 26 d'Agostu de 1889. Ceo tresladase a Uviéu colos sos pás a la Cai Marques de Gastañaga onde atopa vecindá con una familia d'Astorga, d'ehí el so nomatu de "El Maragatu", o como decien los sos collacios "El Mara".
Considerau ente cantantes, musicologos y periodistes como'l cabezaleru na so dómina de la canción asturiana. El Mara ye de la xeneración de Quin el pescador, El Polenchu de Grau, Los 4 Ases, Xucu el de Sama, la Busdonga y Santos Bandera. Fizo estudios mercantiles nel Liceo asturianu y sedría nel chigre de los sos pás onde escucharia a los cantantes d'Uvieú los so primeros cancios. Entamo nesti llugar, a allumar a clientes y collacios con una voz de perfeutu timbre.
El Maragatu fizo la mayor parte les sos actuaciones de forma altruista y tenia la fama de facerse de rogar nos conciertos. Ente los sos cancios, destaquen pol esitu La Pipiona, anque les preferies por El Mara yeren Carretera d'Avilés y La Soberana.
El Maragatu yera admirau ente los sos collacios de canción asturiano, Quin el Pescador foi ainda más nidiu "Después de Ángel existe una fosa y una distancia notable con los demás intérpretes de su época".
1 comentario:
Hai un discu de vinilu editáu abenayá onde se dedica una cara a Xuacu de Sama y la otra al Maragatu. Impresionantes los dos. Concretamente, el Maragatu canta con un llirismu que casi m'atrevo a afirmar que güei yá nun s'atopa. Exemplos de manual de lo que ye tener "estilu propiu" nel mundu la tonada.
Publicar un comentario