Conciertu N'alcordanza d'Igor y Carlos

Estí Vienres 22 de Xuno va cellebrase un conciertu n'alcordanza colos músicos Igor Medio y Carlos Redondo del grupu folk Felpeyu, que traxicamente nos dexaron na nueche del 24 de xuno de 2006.El conciertu entamara na Playa de Poniente, en Xixón de magar a les 19:00 hores.

El grupu de los músicos, Felpeyu, tenía como obxetivu la reellaboración de la música tradicional d´Asturies nuna llínea paralela a les tendencies que se dan nel día de güei nel folk europeu. Ellaboraron su soniu fusionando una instrumentación que provien de la tradición popular asturiana col precedente d´un ámbitu europeu, atlánticu... más xeneral y actual, anque ensin perder el soniu acústico.Les fuentes que-yos proporcionaron el material col que trabayaron son diverses: cancioneros de música popular, partitures y manuscritos de música coral armonizada de cantares populares, archivos sonoros de grupos d´ investigación etnográfica, la música popular que ta nel ámbitu de la vida diaria y, al fin, sus propies composiciones basaes n´estructures y ritmos tradicionales.Felpeyu consideraba como espaciu primeru de divulgación de su música el de tola sociedá asturiana, a la que iba dirixiu su trabayu y del que ye depositaria